2022-nji ýylda Gazagystanyň ilaty 261,8 müň adam ýa-da 1,34% artdy. Bu barada vlast.kz milli statistika býurosyna salgylanmak bilen 2023-nji ýylyň 1-nji ýanwaryna çenli ýurduň ilaty 19 mln 765 müň adama ýetdi diýip habar berýär.
Esasan, 2022-nji ýylda ilat paýtagtda 4,53%, Almatyda - 2,87%, Mangistau sebitinde - 2,82%, Şymkentde - 2,54% we Almaty sebitinde - 1,86% köpeldi.
2023-nji ýylyň başynda Astananyň ilaty 1 354,4 müň adama, Almatynyňky - 2 161,7 müň, Şymkentiňki - 1 191,9 müňe ýetdi.
Geçen ýyl ýurduň şäher ilaty 1,81% artyp, 12 208 müňe, oba ilaty - bary-ýogy 0,6% artyp, 7 556 müň adama ýetdi.
Gazagystanda şäher ilatynyň paýy 61,8%, oba ilatynyň paýy 38,2%.
Belläp geçsek, Türkmenistanda 2022-nji ýylyň 17-27-nji dekabry aralygynda ilat we ýaşaýyş jaý gaznasynyň uçdantutma ýazuwy geçirildi. Bu çäre geljekde içerki strategik meýilnamalary düzmek üçin zerur bolan maglumatlary ýygnamakda, ýaýratmakda we ulanmakda hem-de ilatyň dürli toparlarynyň isleglerini kanagatlandyrmagyň çägindäki syýasaty işläp taýýarlamakda ýurda aýratyn mümkinçilik berer.
