Beýonseniň Renaissance World Tour diýlip atlandyrylýan täze dünýä syýahat konsertine isleg bildirýänleriň sany birnäçe günüň içinde elýeterli petekleriň sanyndan geçdi. Onlaýn satuw üçin nobatda eýýäm 15 million adam bar. Bu barada Beyonce News profilinde petek satýan Live Nation Entertainment-iň baş direktoryna salgylanyp, Twitterde habar berildi.
Häzirki wagta çenli islegiň ýokarylygy sebäpli petekleri diňe deslapky hasaba alyşdan we nobata duruşdan soň satyn alyp bolýar.
Birnäçe gün ozal Beýonse Renaissance World Tour diýlip atlandyrylýan bäş ýyldan soňky ilkinji dünýä syýahatyna başlajakdygyny mälim etdi. Syýahat 2023-nji ýylyň 10-njy maýynda Stokgolmda çykyş bilen başlar we 27-nji sentýabrda Täze Orleanda konsert bilen tamamlanar. Aýdymçy Fransiýada, Germaniýada, Beýik Britaniýada, Niderlandlarda, Ispaniýada we Polşada çykyş eder. Umuman, sanawda Ýewropanyň 15 şäheri, ABŞ-nyň we Kanadanyň 20 töweregi şäheri bar.
