Professional oýun enjamlaryny öndürmeklige ýöriteleşen Razer kompaniýasy, Viper Mini Signature Edition oýun syçanjygyny görkezdi. Işläp taýýarlaýjy täze önümini bazardaky şeýle enjamlaryň içinde iň ýeňil gurluş diýip atlandyrýar diýip, Hypebeast ýazýar.
Syçanjygyň agramy bary-ýogy 49 gram. Viper Mini Signature Edition-yň tapawutly aýratynlygy ýokary hilli magniý garyndysyndan balary öýjügi görnüşinde ýasalan korpusynyň gurluşyndadyr. Ol plastmassa garanyňda has berk we çydamly hasaplanýar, ýöne şol bir wagtyň özünde titandan ep-esli ýeňildir.
“Biz adaty balary öýjüginiň dizaýnyndan çykmak isledik, munuň üçin iň amatly berklik-agram gatnaşygy bolan material gerekdi. Plastmassa, uglerod süýümine we hatda titaniuma baha beremizden soň, ajaýyp aýratynlyklary bolany üçin ahyrda magniý garyndysyny saýladyk "- diýip, Razer-iň dizaýnynyň senagat bölüminiň başlygy Çarli Bolton düşündirdi.
Oýun syçanjygynda Razer Focus Pro 30K optiki datçigi, 4000 Gs- çenli ses tizligi bolan HyperPolling Wireless we 90 minutlyk çalt zarýad bermek ulgamyny öz içine alýan iň täze tehnologiýalary ulanyldy.
Razer Viper Mini Signature Edition syçany 11-nji fewraldan başlap 280 dollar bahadan diňe Razer saýtynda elýeterli bolar.
