«Awataryň» prodýuseri Jon Landau franşizanyň indiki üç filmi barada käbir maglumatlary aýan etdi.
Onuň sözlerine görä, Una Çaplin (“Tagtlaryň oýny”) “Awatar 3-de” baş gahrymanyň keşbini ýerine ýetirer. Ol aktýor Çarli Çapliniň agtygydyr we filmde Nawi neberesinden bolan Kül adamlaryň söweşjeň we zalym taýpasynyň baştutany bolar. Trikwel üçin ähli materiallary režissýor Jeýms Kemeron öňünden düşürdi. Filmi 2024-nji ýylyň dekabrynda goýbermek meýilleşdirilýär.
Dördünji film "uly wagt böküşini" eder, bäşinji "Awataryň" hereketleri bolsa Pandoradan ilatyň köpelmeginden we tebigy baýlyklaryň azalmagyndan ejir çekýän Ýere geçer. Filmleriň sikwelleri degişlilikde 2026-njy we 2028-nji ýyllarda görkeziler.
Franşizanyň ikinji filmi “Awatar: Suwuň ýoly” şu wagta çenli dünýäde 2,129 milliard dollar girdeji gazandy. Bu tutuş taryhda iň köp girdejili dördünji netijedir.
