Russiýaly söweşiji Fýodor Ýemelýanenko Inglwudda (Kaliforniýa ştaty, ABŞ) geçirilen Bellator 290 turnirinde amerikaly Raýan Beýdere garşy söweşi üçin 100 müň dollar gazandy. Bu barada Kaliforniýa ştatynyň Atletika komissiýasyna salgylanyp, MMA Fighting habar berýär. Muny sportrbc.ru ýetirýär.
Agyr agramda promouşeniň çempiony titulyny goran Beýder 150 müň dollar aldy.
Bellenilişi ýaly, bu mukdarlar promouşeniň hasabatynda görkezilýär, ýöne türgenleriň umumy gazanjy hemaýatkärlik tölegleriniň netijesinde görkezilenden ýokary bolup biler.
Ýemelýanenko birinji raundda amerikalydan nokaut arkaly ýeňildi we şondan soň MMA-da karýerasyny tamamlaýandygyny yglan etdi.
Beýder Ýemelýanenkony iki gezek ýeňmegi başaran ilkinji söweşiji boldy. Garşydaşlaryň ilkinji söweşi 2019-njy ýylyň ýanwar aýynda Bellator Gran-prisiniň finalynda geçirildi we Ýemelýanenko birinji raundyň 35-nji sekuntynda nokaut bilen ýeňildi.
