Gizmochinanyň habaryna görä, Coca-Cola markaly ilkinji smartfonyň birinji görkezilişi 10-njy fewralda bolar. Realme 10 Pro 5G modeliniň ýörite wersiýasy bolan täze gajetiň dizaýny we esasy aýratynlyklary eýýäm belli.
Gurluşyň suraty bilen ilkinji tanyşdyrylyş bildirişi gazly suw öndürijisi bilen hyzmatdaşlyga giren Hytaýyň Realme kompaniýasynyň saýtynyň hindi wersiýasynda peýda boldy. Suratdan çen tutsaň, täze gurluşyň korpusynyň arka tarapy gara we gyzyl reňkde, Realme we Coca-Cola şereket nyşanly bolar. Mundan başga-da, amerikan korporasiýasynyň relýefli logotipi enjamyň gapdalynda hem peýda bolar.
Realme 10 Pro Coca-Cola Edition-yň resmi aýratynlyklary henizem gizlin saklanýar, ýöne smartfonyň tehniki bölegi adaty gurluşyňkydan tapawutlanmaz diýlip çaklanylýar. Şeýlelikde, gurluş Full HD + razreşeniýeli 120 Gs täzelenme tizligi bilen 6,72 dýuýmlyk displeý alar.
Işleýşine sekiz ýadroly Snapdragon 695 prosessory we 6GB / 8GB RAM, şeýle hem Realme UI 4.0 gabygy bolan Android 13 operasion ulgamy jogap berer. Enjamyň gapdalynda barmak yzy skaneri göz öňünde tutulan. Esasy kamera çuňlugy 2 Mp datçigi bilen bilelikde işleýän 108 megapiksel sensor bilen görkezilýär. Öň kamerasy selfi üçin 16 MP.
