HHR-iň gämi gurluşyk senagaty geçen ýyl on üçünji ýylyň jemi boýunça dünýäde öňdebaryjy ornuny saklady. Bu barada ýurduň Senagat we informasiýa tehnologiýasy ministrligi habar berdi diýip, interfax.ru belleýär.
2022-nji ýylda ýurtda umumy dedweýti 37,86 mln tonna bolan gämileriň gurluşygy tamamlandy. Şeýlelikde, dünýäde gurlan ähli gämileriň 2021-nji ýyldaky 47,2%-ine garşy 47,3%-i Hytaýyň paýyna düşdi.
Geçen ýyl HHR-de gämi gurmak üçin täze sargytlaryň umumy dedweýti 45,52 mln tonna barabar boldy. Dünýädäki ähli täze sargytlaryň 55,2%-i Hytaýyň paýyna düşdi.
Dekabr aýynyň ahyrynda Hytaýyň gämi gurluşyk kompaniýalarynyň umumy sargyt göwrümi 105,57 mln tonna dedweýte ýetdi. Bu görkeziji boýunça Hytaý umumy global görkezijiniň 49%-ini eýeledi diýip, Sinhua agentligi habar berýär.
Ministrlik geçen ýyl Hytaýyň alty kompaniýasynyň dünýäniň iň uly gämi gurluşykçylarynyň onlugyna girendigini belledi. 2022-nji ýylda Hytaý kompaniýalary suwuklandyrylan tebigy gazy (STG) daşaýjy tankerler üçin 55 sargyt aldy, bu bolsa dünýädäki umumy mukdaryň 30%-inden ýokary bolup, ýurt üçin rekord görkezijidir.
HHR-iň iň uly gämi gurluşyk kompaniýasy bolan China State Shipbuilding Corp.-yň golçur kärhanasy Hudong-Zhonghua Shipbuilding (Group) Co. 2023-nji ýylda dokuz sany STG tankeri gurmaga başlamagy we sargyt edijilere şeýle gämiden dördüsini ibermegi meýilleşdirýär.
