Coca-Cola kompaniýasy öz brendi astynda çykarmakçy bolýan täze smartfonyny tanyşdyrmaga taýýarlaýar. Gurluşyň ilkinji suraty bilen öň iPhone X üçin “kese kesigi” hem-de iPhone 14 üçin Dynamic Island elementiniň peýda boljakdygyny çaklan belli insaýder Ice Universe paýlaşdy.
Suratdan görnüşi ýaly, gajet amerikan kompaniýasynyň firma logotipi bilen gyzyl reňkli korpusa eýe bolar. Renderde esasy kameranyň iki aýratyn tegelek sensory hem görünýär, onuň gapdalynda bolsa yşyk diodly çyranyň kiçijik elementi ýerleşipdirilipdir. Geljekki gurluş barada tehniki maglumatlar heniz belli däl.
Alkogolsyz içgileri öndürijiniň öz smartfonyny özbaşdak işläp düzjekdigi şübhelidir. Görnüşi ýaly, Coca-Cola öz brendi bilen telefon çykarmak üçin meşhur ykjam gajetleri öndürijileriň biri bilen hyzmatdaşlyga girer.
