Finlýandiýanyň Nokia telearagatnaşyklar kompaniýasy Günorta Koreýanyň Samsung korporasiýasy bilen 5G-niň patentlerini ygtyýarlandyrmak hakynda täze köp ýyllyk şertnamany baglaşdy. Bu barada duşenbe güni kompaniýanyň saýtynda çap edilen metbugat beýanatynda habar berildi.
"Samsung smartfon pudagynda öňdebaryjydyr we olar bilen dostlukly şertnama baglaşanymyza begenýäris" - diýip, fin kompaniýasynyň ýolbaşçysy Jenni Lukander mälim etdi.
Kompaniýalaryň arasyndaky öňki şertnamanyň möhleti 2022-nji ýylyň ahyrynda tamamlandy. Jikme-jiklikleri gizlin saklanýan täze şertnama, Nokia-nyň 5G patentlerini we beýleki tehnologiýalaryny ulanmak üçin Samsung-a geçirilmeli tölegleri düzgünleşdirýär. Ol 2023-nji ýylyň 1-nji ýanwarynda hereket edip başlady.
Nokia ykjam, durnukly, giň zolakly we IP torlary üçin telearagatnaşyk enjamlaryny öndürýär. Kompaniýanyň paýnamalary Maýn boýundaky Frankfurtyň, Nýu-Yorkuň we Helsinkiniň gazna biržalaryna ýerleşdirilendir.
