Nemes režissýory Edward Bergeriň «Günbatar frontda üýtgeşiklik ýok» (2022) atly harby dramasy Britaniýanyň kino we telewideniýe sungaty akademiýasy (BAFTA) tarapyndan berilýän Beýik Britaniýanyň baş kino baýragyna dalaş edýän ugurlarynyň sany boýunça öňdelikçi boldy. Penşenbe güni Londonda habar berlişi ýaly, kino 14 kategoriýada ýeňiji bolmaga dalaş edýär.
Erih Mariýa Remarkyň (1898-1970) adybir romany esasynda döredilen iki sagatlyk film “Iň gowy film”, “Iň gowy iňlis dilli däl film”, “Iň gowy režissýorlyk işi”, “Iň gowy uýgunlaşdyrylan ssenariýa”, “Ikinji plandaky iň gowy aktýor” , "Iň oňat kasting", "Filme ýazylan iň gowy saz", "Iň gowy operatorlyk işi", "Iň gowy montaž" diýen ugurlar boýunça dalaşgär görkezildi. Film "bürünç nykaplary" suratkeş-filmi goýujynyň işi, geýim dizaýny, makiýaž we saç timarlamasy, ses, wizual effektler üçin hem alyp biler.
Martin Makdonanyň “Inişeriniň banşisi” (2022) hem-de Den Kwan bilen Deniel Şaýnertiň “Hemme zat hemme ýerde we birbada” (2021) filmleri baýraga dalaş edýän ugurlarynyň sany boýunça ikinji ýeri eýeleýärler. Bularyň hersi “Iň gowy film”, “Iň gowy režissýorlyk işi”, “Iň oňat ssenariýa” ýaly abraýly ugurlary öz içine alýan 10 kategoriýada ýeňiji bolmaga dalaş edýärler.
Baz Lurmanyň “Elwis” filmi (2022) dokuz nominasiýa, Todd Fildiň “Tar” (2022) filmi bolsa 5 nominasiýa aldy.
76-njy "bürünç nykaplar" baýrak gowşurylyş dabarasy ýene takmynan bir aýdan - 19-njy fewralda geçiriler.
