2022-nji ýylda Hytaýa turba bilen geçirilýän türkmen gazynyň nyrh möçberi 51% ýokarlanyp, 10,25 milliard dollar boldy. Bu barada Hytaýyň Baş gümrük gullugy anna güni habar berdi.
Hytaýa turba bilen geçirilýän gazy satýan döwletleriň arasynda Türkmenistan öňküsi ýaly birinji ýerde durýar. Russiýa 2022-nji ýylda 3,98 milliard dollar we 2,63 esse ösüş görkezijisi bilen ikinji ýerde durýar.
Ondan soň Mýanma (1,3% artyp, 1,43 milliard dollara çenli), Gazagystan (4% azalyp, 1,08 milliard dollara çenli) we Özbegistan (takmynan 33,9% artyp 1,07 milliard dollara çenli) gelýär.
HHR-iň Baş gümrük gullugy turba bilen geçirilýän gazyň iberilişiniň fiziki mukdaryny görkezmeýär.
