WeRide kompaniýasy doly awtonom awtobusyň ýol synagyny geçirmek üçin Pekiniň hökümetinden rugsat alandygyny habar berdi. Olara 60 inedördül kilometrlik meýdany bolan, ýokary derejeli awtonom sürüşiň görkezilýän zolagynyň çäklerinde jemgyýetçilik ýollarynda sürmäge rugsat berildi diýip, CarNewsChina ýazýar.
WeRide L4 awtobusy dördünji - ahyrky derejäniň öň ýanyndaky awtopilot bilen enjamlaşdyrylandyr. Onda adaty dolandyryş nokatlary göz öňünde tutmandyr. Içerki giňişligiň hemme ýerini ýolagçylar üçin oturgyçlar eýeleýär.
Güýç gurluşy elektrikdir. Işleýiş görkezijilerinden diňe iň ýokary tizligi agzalýar: sagatda 40 km. WeRide L4 giňişlikde kameralaryň, radarlaryň we lidaryň kömegi bilen ugruny kesgitleýär. Ol beýleki ulaglar we ýol infrastrukturasynyň desgalary bilen maglumat alyş-çalyş edip biler.
