Argentinanyň milli ýygyndysyna ýolbaşçylyk edýän Lionel Skaloni Futbolyň taryhy we statistikasy halkara federasiýasy (IFFHS) tarapyndan 2022-nji ýylyň iň gowy milli tälimçisi diýlip saýlandy. Bu barada guramanyň saýtyna salgylanyp, rsport.ria.ru habar berýär.
Argentinaly hünärmen 240 utuk gazandy. Ikinji orny Fransiýanyň toparynyň tälimçisi Didýe Deşam eýeledi (45 utuk). Üçünji marokkoly Walid Regragi boldy (30).
Saýtda taryhda ilkinji gezek afrikaly tälimçiniň üçlükden orun alandygy bellenilýär.
Skaloni 2018-nji ýylda Argentinanyň milli ýygyndysynyň tälimçisi boldy. Onuň ýolbaşçylygynda argentinalylar 2022-nji ýylda Katarda geçirilen dünýä çempionatynda ýeňiji, Amerikanyň Kubogy – 2021-iň eýesi we “Finalissima” – 2022-niň ýeňijisi boldular.
