Serdar Berdimuhamedow Hytaýyň «Ženmin žibao» gazeti üçin makala taýýarlady

  • 05.01.2023 23:54
  • 14k+

Dünýäde meşhur neşirleriň biri bolan «Ženmin žibao» gazetiniň redaksiýasynyň haýyşy boýunça Türkmenistanyň Prezidenti Serdar Berdimuhamedow Hytaý Halk Respublikasyna döwlet saparynyň öň ýanynda «Strategik hyzmatdaşlygyň ygtybarly binýady» atly makala taýýarlady.

Makalada iki ýurduň arasynda köklerini asyrlaryň jümmüşinden alyp gaýdýan deňhukuklylyk, özara hormat goýmak ýörelgelerine esaslanýan gatnaşyklara düýpli seljerme berilýär hem-de hyzmatdaşlygyň has-da ýokary derejä çykaryljakdygyna ynam bildirilýär. Şeýle hem iki dostlukly ýurduň halkara giňişliginde birek-biregiň başlangyçlaryny goldaýandyklary, tutuş adamzadyň öňünde durýan möhüm wezipeler babatda garaýyşlaryň gabat gelýändigi ýa-da ýakynlygy aýratyn nygtalýar:

«Biz Hytaýyň Türkmenistanyň Bitaraplyk hukuk derejesine hem-de ýurdumyzyň bu derejä esaslanýan daşary syýasat ugruna hormat goýýandygyna ýokary baha berýäris. Öz nobatynda, Türkmenistan hemişe hytaý hyzmatdaşlarymyz üçin möhüm bolan meselelere, şol sanda Hytaý Halk Respublikasynyň çäk bitewiligine hem-de jebisligine dahylly ýagdaýlara öz garaýyşlaryny anyk hem-de kesgitli beýan edýär, “Bir bitewi Hytaý” syýasatyna berk eýerýär.
Merkezi Aziýadaky ýagdaýy ara alyp maslahatlaşmak türkmen-hytaý gepleşikleriniň gün tertibinde aýratyn orun eýeleýär. Şunda iki ýurduň garaýyşlary ýakyndyr, Türkmenistan bilen Hytaý Halk Respublikasy sebitde ýüze çykýan meseleleriň çözgüdine syýasy we diplomatik usullar arkaly çemeleşmek bilen, köptaraplaýyn bähbitleriň deňeçerligine esaslanýan berk we uzakmöhletleýin howpsuzlyk ulgamynyň döredilmegi ugrunda çykyş edýärler. Biziň döwletlerimiz bu işlere uly goşant goşmak bilen dünýä bileleşiginiň jogapkärli agzalary hökmünde öz garaýyşlaryny beýan edýärler» diýlip, Serdar Berdimuhamedowyň makalasynda bellenilýär.

Hytaýda millionlarça okyjylar tarapyndan gyzyklanylyp okalýan bu gazetiň türkmen Baştutanyna şeýle teklip bilen ýüzlenmegi dünýä bileleşiginde, şol sanda Ýer ýüzüniň ilatynyň bäşden birini düzýän döwletde Türkmenistana, ýurdumyzda döwlet durmuşynyň ähli ulgamlarynda amala aşyrylýan düýpli özgertmelere ägirt uly gyzyklanma bildirilýändiginiň aýdyň subutnamasydyr.
Ýatlatsak, 2022-nji ýylyň oktýabr aýynyň başynda Hytaýyň «Ženmin Žibao» gazetinde Gurbanguly Berdimuhamedowyň hem makalasy çap edildi.


düýn 16:22
2.2k+

Merkezi Aziýa döwletleriniň ilçileri Türkmenistanyň Yslamabatdaky ilçihanasynda teglek stol geçirdiler

26-njy awgustda Türkmenistanyň Pakistan Yslam Respublikasyndaky (Yslamabat şäheri) ilçihanasynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň netijelerine bagyşlanan tegelek stol maslahaty geçirildi...

düýn 16:18
1.8k+

Türkmenistanyň ilçisiniň Irlandiýa iş saparyny amala aşyrdy

25-nji awgustda Türkmenistanyň Irlandiýadaky ilçisi Ýa.Serýaýew (oturýan ýeri London ş.) Dublin şäherine iş saparyny amala aşyrdy. Bu barada Türkmenistanyň DIM-niň saýtynda habar berilýär. Saparyň dowamynda ilçi Irlandiýanyň Daşary işler we söwda ministrliginiň Protokol bölüminiň başlygynyň orunbasary Ralf Wiktor bilen duşuşdy we ynanç hatynyň nusgalaryny gowşurdy...

düýn 15:41
4.6k+

Moskwada Raşid Meredowyň we Sergeý Lawrowyň duşuşygy geçirildi

28-nji awgustda Moskwada Türkmenistanyň daşary işler ministri Raşid Meredow bilen Russiýa Federasiýasynyň daşary işler ministri Sergeý Lawrowyň arasynda duşuşyk geçirildi. Daşary syýasat edaralarynyň ýolbaşçylary çuňňur strategik hyzmatdaşlygyň ýörelgelerine esaslanýan döwletara dialogyň netijeli häsiýetini kanagatlanma bilen bellediler...

28.08.2025 17:40
9.9k+

Aşgabatda Ankara köçesiniň durkuny täzelemek boýunça tender yglan edildi

Türkmenistanyň Gurluşyk we binagärlik ministrligi Aşgabatda Ankara köçesiniň durkuny täzelemek boýunça halkara bäsleşik yglan etdi. Bu barada «Türkmenistan» gazetinde habar berilýär. Gyzyklanma bildirýän kompaniýalaryň we guramalaryň teklipleri bellenilen tertipde kabul edilýär...