Jastin Biber geleşik baglanyşmagy meýilleşdirýär, oňa laýyklykda onuň sazyna bolan hukuk Blackstone Inc. kompaniýalarynyň maýa goýum toparynyň goldamagyndaky Hipgnosis Song Management şereketiniň eýeçiligine geçer. Geleşigiň bahasy 200 mln dollar bolup durýar. Bu barada Wall Street Jounal-a salgylanýan Bloomberg habar berýär.
Hipgnosis kompaniýasy ýerine ýetirijileriň aýdymlaryny satyn alyp, olary Internetde görkezmekden, filmlerde ýa-da mahabatlarda ulanmakdan girdeji alýandygy bilen bellidir. Çeşmäniň maglumatlaryna görä, taraplar häzirlikçe diňe ylalaşygyň şertlerini maslahatlaşýarlar, resminamalara entek gol çekilmedi. Hipgnosis Song Management we Blackstone teswir bermekden boýun gaçyrdylar.
2022-nji ýylyň maýynda Jastin Timberleýk hem öz sazlaryna bolan hukugy şu gurama satdy. Kompozisiýalaryň hatarynda «Cry Me A River» we «Rock Your Body» ýaly hitler bardy. Geleşigiň bahasy 1 mlrd dollar bolupdy. Timberleýkden hem başga, Jon Lejend bilen Bob Dilan hem öz aýdymlaryny satdylar.
