Argentinanyň ýygyndysy Katarda geçen dünýä çempionatynda gazanan ýeňşinden soň Halkara futbol federasiýasynyň reýtinginde ikinji ýere çykdylar, Braziliýanyň topary öňdeligi saklap galýar. Reýtingiň täzelenen wersiýasy FIFA-nyň resmi saýtynda çap edildi.
Argentinalylar üçünji ýerden ikinji ýere galdylar. Dünýä çempionatynyň finalçylary bolan fransuzlar top-3-e çykdylar. Katarda çärýek finala çykan Braziliýanyň ýygyndysy reýtingde birinji bolmagynda galýar. Belgiýa iň gowularyň üçlüginden çykdy.
Dünýä birinjiliginiň bürünç baýrakçylary bolan horwatiýalylar 12-nji ýerden ýedinji ýere geldiler. Dünýä çempionatynyň taryhynda ilkinji afrikan ýarym finalçysy bolan Marokkonyň ýygyndysy 22-nji orunda bolanlygyndan 11-nji orna çykdy.
22-nji dekabrdaky wersiýa boýunça FIFA-nyň reýtingi:
1 (1). Braziliýa - 1840, 77 utuk;
2 (3). Argentina - 1838, 38;
3 (4). Fransiýa - 1823, 39;
4 (2). Belgiýa - 1781, 3;
5 (5). Angliýa - 1774, 19;
6 (8). Niderlandlar - 1740, 92;
7 (12). Horwatiýa - 1727, 62;
8 (6). Italiýa - 1723, 56;
9 (9). Portugaliýa - 1702, 54;
10 (7). Ispaniýa - 1692, 71;
11 (22). Marokko - 1672,35...
Türkmenistanyň ýygyndysynyň reýtingde 135-nji orny saklap galýandygyny belläp geçýäris. Türkmen ýygyndysynyň aktiwinde 1100.47 utuk bar, topar Filippinler bilen Solomon adalarynyň aralygynda durýar.
