Bäbekler şadyýan we ritmiki sazy diňlänlerinde tiz uka gidýärler. Şotlandiýanyň Dandi uniwersitetiniň alymlary şeýle netijä geldiler. Degişli maglumat Psychological Studies žurnalynda çap boldy.
Hünärmenler doglanyna bir hepde bolmadyk 100 sany çagaly maşgalanyň gatnaşmagynda synag geçirdiler. Bäbekleri ilki ümsümlikde, soňra bolsa haýal, şadyýan sazy diňledip ýatyrypdyrlar we olaryň tiz uka gidişine gözegçilik edipdirler.
Netijede, çagalaryň ümsümlikdäkä garanda, saz diňlänlerinde tiz uka gidýändiklerine we gözlerini hem tiz ýumýandyklaryna göz ýetiripdirler. Ýöne iň gowy netije şadyýan kompozisiýa ýaňlananda bellige alnypdyr. Alymlar sazyň çagalara edýän täsirini we olaryň reaksiýasyny öwrenmegini dowam edýärler.
