Samsung özüniň täze S23 flagmanynyň ilkinji görkezilişini yza süýşürdi. Gizmochina-nyň habar bermegine görä, tanyşdyrylyş fewral aýynyň ahyrynda geçmegi mümkin. Öň bu çäräni aýyň başynda geçirmek meýilleşdirilipdi. Görlüp oturylsa, günorta koreýaly ägirt öz gajetleriniň täze nesliniň bahasy bilen ylalaşmandyr.
Kompaniýa bazara bäsdeşlik, ykdysadyýet, isleg we teklipler nukdaýnazaryndan baha bermäge özüne köpräk wagt gerek bolar diýip hasaplady. Bularyň bary ýerine düşjek bahanyň kesgitlenmegi üçin zerur.
S23-iň tapgyry resmi suratda 2023-nji ýylyň fewral aýynyň birinji hepdesinde tanyşdyrylar diýip garaşylýardy, iki hepdeden soň bolsa gajetler satuwa çykmalydy.
Samsung üç modeli - Galaxy S23-i, S23 Plus-y we S23 Ultra-ny öz içine alýan Galaxy S23 lineýkasyny görkezer. Bu maşgalanyň smartfonlary kuwwatly Snapdragon 8 Gen 2 çipinde işlär.
Smartfonuň ultra-wersiýasy esasy kameranyň 200 megapiksellik datçigine eýe bolar. Mundan hem başga, Samsung Huawei-ň we Apple-iň yzysüre hemra aragatnaşykly smartfonlary çykarýan elektronika öndürijileriň sanawyna girer. Galaxy S23 modeli günorta koreýaly kompaniýalaryň arasynda şeýle gajet çykarýanlaryň ilkinjisi bolar.
