«Demir adam» (2008), «Garri Sallä duşanda» (1989) filmleri we «Suw perisi» (1989) multfilmi ABŞ-nyň Kongresiniň kitaphanasynyň Milli filmleriniň reýestrine girizildi. Bu barada Variety žurnaly habar berdi.
Täzelenen sanawa jemi 15 film, şol sanda Stiwen Kingiň adybir romanynyň esasynda surata düşürilen «Kerri» (1976), «Saç üçin lak» mýuzikli (1988) we «Sirano de Beržerak» (1950) goşuldy.
«Filmler amerikan medeniýetiniň absolýut merkezi elementi boldular <...>. Milli reýestrimize ýagty we dürli meýilnamaly režissýorlaryň düşüren ýene 25 filmini goşýandygymyza we kinematografiýa mirasymyzy saklap galýandygymyza buýsanýarys» — diýip, žurnal Kongresiň kitaphanasynyň işgäri Karly Haýdeniň sözlerini getirýär.
Häzirki wagtda reýestrde Birleşen Ştatlaryň medeni buýsanjyna degişli edilen filmleriň we multfilmleriň 850-si bar.
