"Formula-1" çempionatynyň we Awstraliýanyň Gran-prisiniň guramaçylary şertnamany ýene-de iki ýyl möhlet bilen uzaltdylar. Bu barada Wiktoriýa ştatynyň hokümet saýtynda habar berilýär diýip, sovsport.ru belleýär.
Melburnyň Albert-Parkynda geçirilýän ýaryş 2037-nji ýyla çenli senenamada öz ornuny kepillendirdi. Iýun aýynda şertnama 2035-nji ýyla çenli uzaldylypdy, häzir bolsa ol ýene iki ýyl uzaldyldy.
Bu hem pandemiýa sebäpli 2020-nji we 2021-nji ýyllarda ýatyrylan iki ýaryş üçin tapgyry guraýjylara öwezini dolma boldy.
Bu döwürde Awstraliýa tapgyry dört gezek dünýä çempionatyny açar. Bu Ýakyn Gündogardaky ýaryşlaryň süýşürilmegine getirýän musulmanlaryň Remezan baýramy sebäpli mümkin boldy.
Şeýle-de Awstraliýanyň Gran-prisiniň promouteri Endrýu Uestakottyň 2023-nji ýylyň 30-njy iýunynda şertnamasynyň möhleti tamamlanandan soň wezipesinden gitjekdigi habar berilýär.
Awstraliýanyň Gran-prisi 1996-njy ýyldan bäri Melburnyň ýaryş ýolunda geçirilýär. Onuň ilkinji ýeňijisi 1996-njy ýylyň dünýä çempiony, britaniýaly Deýmon Hilldir. Häzirki ýeňiji "Ferrariniň" sürüjisi Şarl Leklerdir.
