Bentley kompaniýasy şereketiň aksessuarlarynyň hataryny doldurjak Momentun Unbreakable atyryny hödürledi. Onuň hoşboý ysy Şweýsariýanyň we Ispaniýanyň parfýumerçileri, çüýşesi bolsa Bentley-niň dizaýnerleri tarapyndan işlenip taýýarlanypdyr. Her çüýşe Bentley awtoulaglarynyň salonlarynda ulanylýan Stone Veneer-iň şol bir meňzeş tehnologiýasy boýunça tebigy daş bilen tapawutlandyrylýar.
"Göwher" bilen taraşlanyp bezelen gönüburçly çüýşe häzirki zaman megapolisiniň dik çyzyklary bilen utgaşmaly. Çüýşäniň öň tarapy "daş şponundan" taýýarlanylýar. Ony Bentley Hindistanda gazylyp alynýan kwarsit slanesinden taýýarlaýar.
Daşyň teňňelerini uly böleklerinden bölüp alýarlar we ýörite smolanyň kömegi bilen gatadýarlar. Soň olardan, awtoulagyň üst gatlagyny bezär ýaly, polotno ýasaýarlar.
Atyr bilen bagly ýagdaýda aýdylanda bolsa polotnony mata ýabşyryp, ony çüýşäniň ýüzüne ýelmeýärler. Polotnonyň şeýle görnüşde taýýarlanan her bir böleginiň gaýtalap bolmajak täsin gurluşy bar. Şonuň bilen birlikde her bir çüýşe hem täsin görnüşe eýe bolýar.
Bentley-iň beýan edişine görä, atyryň özi häzirki zaman şäher awantýuristlerine niýetlenendir. Onuň hoşboý ysynda benewşäniň we sitrus miweleriniň, lawandanyň, süýji buýanyň, miwe kişdeleriniň we gurygülüň äheňjikleri bar.
Momentum Unbreakable-iň 100 millilitrlik çüýşesini eýýämden 69,5 funta (85 dollar töwerek) satyn almak bolýar.
