Toyota kompaniýasy Corolla Cross wsedorožniginiň täze modifikasiýasy bilen tanyşdyrdy. Adaty däl täze ulag konsept hökmünde ilkinji gezek çykdy, ýöne öndüriji tiz wagtdan prototipi Ýaponiýanyň demirgazygyndaky sowuklarda synag edip başlarlar diýip nygtaýar. Jikme-jik tehniki häsiýetnamalary heniz köpçülige aýan edilenok.
Resmi suratyna garap baha berseň, Corolla Cross H2-niň daş görnüşi standart krossowerden, tematiki liwreýi we biraz ösen nakladkalary diýäýmeseň, hiç hili tapawutlanmaýar.
Konsepti GR Corolla hot-hetçiň 1,6 litrlik «turboüçlügini» Toyota Mirai-niň wodorod saklaýyş tehnologiýasy bilen utgaşyklylykda enjamlaşdyrandyklary mälim. Wsedorožnik öňküsi ýaly, bäş ýolagçyny we ýük äkitmäge ukyply diýip tassyklanýar.
Ähli aýdylanlardan çen tutsaň, krossowerdäki wodorod bilen işleýän hereketlendiriji Toyota-nyň şu möwsümiň dowamynda ýaryş ulaglarynda synag edip gören hereketlendirijisi ýaly. Resmi maglumatlara görä, kompaniýa synaglaryň dowamynda motoryň kuwwatyny artdyrmakda 24 göterim ösüşi gazanmagy hem-de çekiji görkezijilerini 33% artdyrmagy başardy. Şeýle ulaglaryň ýöreýiş ätiýajy synag wagtynda 30% köpeldi, zaprawka gidýän wagty bolsa bäş minutdan bir ýarym minuda çenli azaldy.
