Awstraliýada dünýädäki iň uly radioteleskop SKA üçin antennalar gurlup başlandy. GAR-da hem bu taslamanyň çäklerinde işler dowam etdirilýär diýip, BBC ýaýlym korporasiýasy habar berdi. Muny regnum.ru ýetirýär.
Gurluşyk işleri Günbatar Awstraliýadaky Merçison graflygynda we Günorta Afrika Respublikasynyň Demirgazyk-Kap welaýatyndaky Karu sebitinde başlandy. 2024-nji ýyla çenli Awstraliýadaky dört antenna we GAR-daky alty antenna stansiýasy esasy teleskopy emele getirer, soňra antennalar ulgamy giňeldiler diýlip çaklanylýar.
SKA radioteleskopyny 2028-nji ýylda doly işe girizmek meýilleşdirilýär. Halkara Square Kilometer Array (SKA) taslamasy inedördül kilometr meýdanly ägirt wirtual antennany döretmegi göz öňünde tutýar. Munuň üçin üç müň aýratyn antenna gurlar.
Taslamanyň ideýasy heniz 1990-njy ýyllaryň başynda peýda boldy, 2012-nji ýylda bolsa ol gutarnykly tassyklandy. Alymlar SKA Älemiň gelip çykyşy we ewolýusiýasy baradaky astrofizikanyň esasy soraglaryny çözmäge kömek eder diýip pikir edýärler.
