Geçip barýan 2022-nji ýylyň jemleri boýunça Nýu-Ýork bilen Singapur dünýäniň iň gymmat ýaşaýyşly şäherleri boldy. Bu barada Economist Intelligence Unit kompaniýasynyň barlagynda aýdylýar.
Ikinji ýerde Tel-Awiw, üçünji ýerde bolsa Gonkong durýar. Şeýle-de birinji onluga Los-Anjeles, Sýurih, Ženewa, San-Fransisko, Pariž, Kopengagen we Sidneý girdi. Şäherleriň onlugynyň yzyndan gelýän sanawda, hususanam, Almaty we Daşkent bar. Soňky, 172-nji ýeri Damask eýeledi.
EIU-nyň maglumatlaryna görä, dünýäniň iri şäherlerinde bir ýylyň içinde bahalar ortaça 8,1% galdy, bu soňky ýigrimi ýylyň içinde iň ýokary görkeziji hasaplanýar. Günbatar Ýewropanyň şäherlerinde gazyň we elektroenergiýanyň bahasy ýerli pul bilen hasaplanyňda ortaça 29% ýokarlandy. Şeýle-de,tutuş dünýä ýüzünde benziniň bahasy örän çalt ýokarlanyp, 22% gymmatlady diýip, bellenýär.
