3-nji dekabrda dünýä çempionatynyň 1/8 finalynyň oýny bolup, onda Argentina bilen Awstraliýanyň milli ýygyndylary oýnady. Toparlar Er-Raýýan şäherindäki “Ahmed bin Ali” stadionynda duşuşdylar. Baş emin Şimon Marsinýak Argentina toparynyň 2:1 hasabynda ýeňşini hasaba aldy. Bu barada championat.com belleýär.
Oýnuň iň gowy oýunçysy ýeňijileriň oýnuň dowamynda gol bilen tapawutlanan hüjümçisi Lionel Messi boldy. Bu baýrak argentinalynyň karýerasynda sekizinji baýrakdyr. Mundan öň ol ýedi gezek dünýä çempionatlarynyň aýratyn duşuşyklarynyň iň gowy oýunçysy diýlip ykrar edildi. Şeýlelik bilen, Messi bu baýragyň sany boýunça rekord goýdy. Dünýä çempionatlarynyň taryhynda hiç kim sekiz sany MVP heýkelini almandy diýip, Squawka habar berýär.
Ýatlap geçsek, argentinaly oýunçynyň hasabynda häzirki dünýä çempionatynyň dört oýnunda üç gol we bir netijeli geçirim bar. Ýaryşyň 1/4 finalynda Argentinanyň milli ýygyndysy Niderlandlaryň milli ýygyndysy bilen duşuşar.
