Amerikanyň Merriam-Webster sözlügi 2022-nji ýylyň sözüni aýtdy.
Ol «gazlaýting» sözüdir. Bu — psihologik manipulýasiýalar diýmekdir, oňa sezewar edilen adam özüniň hakykaty kabul edişiniň adekwatlygyna ikirjiňlenip ugraýar.
Saýtyň maglumatlaryna görä, 2022-nji ýylda gazlaýting barada soraýanlar 1 740% artdy, söze ýokary gyzyklanma bolsa tutuş ýylyň dowamynda saklandy.
«Biziň maglumatlar bulaşdyrylýan — «feýk täzelikler», dildüwşük teoriýasy, Twitterdäki trolliler we dipfeýk ulanylýan döwrümizde gazlaýting döwrüň sözüne öwrüldi» — diýip, sözlügiň saýtyndaky habarda aýdylýar.
Adalga 1938-nji ýylda çykan pýessadan we onuň esasynda düşürilen filmden gelip çykýar: sýužete görä, adamsy aýalyna onuň akylyndan azaşjak bolýandygyny mejbur edip ynandyrmaga synanyşýar.
Onuň geň hereketleri sebäpli üçekdäki gaz çyrasy (gas lights) öýde öçügsireýär, ýöne adamsy aýalyny ýagtylyk öçügsiränok diýip ynandyrýar we aýaly öz duýgularyna ynanyp bilenok.
