Xiaomi kompaniýasy flagman smartfonunyň 13-nji seriýasy bilen 2022-nji ýylyň 1-nji dekabrynda tanyşdyrar. Hytaýlylar telefondan başga-da, birgiden täze çykaran zatlary bilen hem tanyşdyrarlar, şol sanda «akylly» sagatlaryny we simsiz gulaklyklaryny hödürlärler diýip, Gizmochina habar berýär.
Flagman Xiaomi 13 we Xiaomi 13 Pro smartfonlary hakynda häzirlikçe diňe olaryň noýabryň ortalaryna tanyşdyrylan Qualcomm-yň täze Snapdragon 8 Gen 2 prosessoryna eýe boljakdygy mälim. Deslapky maglumatlara görä, modeliň 2K razreşeniýeli 6,2 dýumlyk ekrany we barmak yzynyň ultrasesli skaneri bolar.
Çak bilen, Xiaomi 13 we Xiaomi 13 Pro hytaý brendiniň Android operasion ulgamy üçin MIUI 14 şereket proşiwkasyny aljak ilkinji gurluşlary bolarlar. Hiç hili mahabatyň bolmazlygy onuň daş örtüginiň aýratynlygydyr.
Täze smartfondan we proşiwkadan hem başga, 1-nji dekabrda Xiaomi täze simsiz Buds 4 gulaklyklaryny we Xiaomi Watch S2 «akylly» sagatlaryny hem görkezer.
