Turiniň «Ýuwentusynyň» ýolbaşçylary doly düzümde ygtyýarlyklaryny goýup, wezipesinden gitmegi karar etdiler. Bu barada La Gazzetta dello Sport habar berýär.
Çeşmäniň habar bermegine görä, bu karar edaranyň nobatdan daşary mejlisinde kabul edildi. Öz wezipesinden prezident Andrea Anýelli, wise-prezident Pawel Nedwed, baş direktor Maurisio Arriwabene we edaranyň ýene ýedi sany agzasy gitdi. Şeýle karara gelinmeginiň sebäbi hasabat bozulmalary we onuň netijesinde býujeti tassyklamakdaky kynçylyklar bilen bagly faktlaryň derňelmegi bolup durýar.
Anýelliniň 2010-njy ýyldan bäri kluba ýolbaşçylyk edýändigini bellemek gerek. Onuň başlangyjy bilen Turiniň topary dokuz gezek A Seriýasyny utdy.
Häzirki pursatda "garry sinýora" geçen möwsümiň jemleri boýunça 254,3 mln ýewro möçberinde rekord zyýan çekýändigi bellige alyndy we şonuň bilen bagly paýdarlaryň ýygnagyny geçirmek bellendi. Ol 23-nji noýabrda geçirilmelidi, ýöne geçen hepde ony has gijiräk möhlete - 27-nji dekabra süýşürdiler.
