NASA Artemis 1-iň maksatnamasynyň jikme-jiklikleri baradaky habarlary paýlaşmagyny dowam edýär. Soňky habarlara görä, hemme zat diýseň oňat ýagdaýda geçýär. Bu gezek NASA missiýanyň çäklerinde uçurylan Orion arş gämisiniň uçuşyň uzaklygy boýunça rekord goýandygyny habar berdi, ýaňy-ýakynda-da bu rekord «Apollon-13»-e degişlidi. Orion Ýerden uzaga uçmakda kosmonawtlary daşamaga niýetlenen islendik arş gämisinden öňe geçdi.
NASA-nyň wekili şeýle diýdi: «Artemis 1 (maksatnamasy) Orionyň ulgamyna adatdakydan artyk agram salmak üçin işlenip taýýarlandy we biz muňa has gowy amal etmegiň usuly hökmünde Aýyň uzak orbitasynda saklandyk. Hakykatdanam, şeýle uly orbitada, Aýyň üstünden diýseň ýokary belentlikde biz «Apollon-13»-iň rekordyny täzeläp bilipdiris, bu öz-özünden şeýle bolupdyr».
Öz wagtynda «Apollon-13» Ýerden 400 171 km uzaklyga gidipdi, Orionyň goýan täze rekordy 401 798 km bolup durýar.
