Caterpillar Arizonanyň karýerleriniň birinde özüniň batareýa bilen işleýän ilkinji agyr ýük ulagynyň janly görkezilişini gurady. Caterpillar 793 atly prototip iş ýagdaýyna aňrybaş meňzedilen şertlerde öz mümkinçiliklerini görkezdi.
Caterpillar 793 bu kompaniýanyň edil standart karýer samoswaly ýaly. Emma prototipiň esasy aýratynlygy - güýç gurluşynyň konstruksiýasynda içinden otlandyrylýan hereketlendiriji ýok. Elektromotorlar üçin energiýa akkumulýatorlarda saklanýar.
Doly ýükli ýük ulag görkeziliş wagtynda 60 km/sag-a çenli tizligini artdyrmagy başardy. Ol 10%-li köteliň kilometrini öz içine alýan ýedi kilometrlik trassany külterledi. Belende galanda samoswal 12 km/sag tizlik bilen hereket etdi. Ondan hem başga, ol 10 göterimli ýapgytdan rekuperasiýa ulgamyny herekete getirip geçdi. Şondan soňam Caterpillar-iň akkumulýatorlarynda şunuň ýaly siklleriň ýene birnäçesine ýetjek tok saklanyp galdy.
Kompaniýa häzirlikçe batareýaly samoswalyň tehniki häsiýetnamasy barada köpçülige hiç zat mälim etmedi.
