Marvel kinoäleminiň 30-njy kartinasy bolan Raýan Kugleriň “Gara pantera: Wakanda ebedi” filmi ikinji dynç günleriniň jemi boýunça dünýä prokatynda 546 mln dollardan gowrak gazandy. Olardan 288 mln dollary öz demirgazyk amerikan sebitinde, ýene 258 mln dollary daşary ýurt bazarlarynda gazandy diýip, Collider ýazýar. Muny gazeta.ru ýetirýär.
Bu film eýýäm şu ýylyň iň girdejili ýedinji lentasy adyna eýe boldy. Netijede, onuň girdeji ýygymy boýunça Marvel-iň 2022-nji ýyldaky beýleki relizlerinden – “Doktor Strenj: däliligiň multiäleminde” ($955 mln) we “Tor: Söýgi we Gök gürrüldisi” ($760 mln) filmlerinden öňe geçmegine garaşylýar. Ýöne heniz filmiň 1,3 mlrd dollar gazanyp, Marvel-e taryhda ilkinji “Oskar” üçin “Iň gowy film” kategoriýasynda nominasiýany getiren birinji “Gara panteranyň” üstünligine ýetip biljekdigi barada bolsa öňünden aýtmak kyn.
Şeýle-de bolsa, film üçin şertler oňaýly: onuň ýakyn bäsdeşi, baş keşpde Dueýn Jonson bilen “Gara Adam” kinokomiksi bir aýdan gowrak wagtyň içinde tutuş dünýä boýunça prokatda bary-ýogy 360 mln dollar gazanyp bildi, indiki uly blokbaster bolan “Awatar: Suw ýoly” bolsa ekrana 16-njy dekabrda çykar.
