Amerikaly aýdymçy Teýlor Swift 2022-nji ýylda American Music Awards aýdym-saz baýragynyň Artist of the Year (“Ýylyň artisti”) nominasiýasynda ýeňiş gazandy. Bu barada Los-Anjelesde geçirilen dabaranyň guramaçylary mälim etdiler diýip, TASS habar berýär.
“Ýylyň artisti” adyna beýleki dalaşgärleriň arasynda Garri Staýls, Adel, Obri Dreýk Grem (Drake), The Weeknd, Beýonse hem-de Bad Bunny bardy.
American Music Awards 1973-nji ýylda döredilen we her ýyl gowşurylýan amerikan aýdym-saz baýragydyr. Bu baýrak aýdym-saz önümini sarp edijileriň arasynda geçirilýän internet ses berişliginiň netijeleri esasynda gowşurylýar. Dalaşgärler ýazgylaryň satuw möçberini, wideokliplere tomaşalaryň, gastrollaryň we konsertleriň sanyny, şeýle-de sosial ulgamlardaky işjeňligi hasaba almak arkaly kesgitlenýär.
