Amerikanyň Orion kosmos gämisi sürüjisiz uçuş synagynyň çäklerinde duşenbe güni özüniň indiki aýlaw uçuşyndan öň Aýa golaýlady diýip, NASA habar berdi.
Häzirki wagtda ol uçurylanyndan soň bäş günüň içinde eýýäm 376 müň km ýol geçip, Ýeriň tebigy hemrasyndan 19 müň km daşlykda ýerleşýär.
Aýyň Ýerden görünmeýän Arka tarapynyň töwereginde, ABŞ-nyň Gündogar kenar ýakasynyň wagty bilen 07:44-de (Aşgabat wagty bilen 17:44-de) gämide iki ýarym minutlyk marş hereketlendirijisi işlediler. Şol pursat Orion Ýeriň tebigy hemrasynyň üstünden bary-ýogy 130 km belentlikde bolar. Gämi manýowr netijesinde kem-kemden Aýyň ýanyndan daşlaşyp ugrar. Soňra 25-nji noýabrda hereketlendiriji ýene bir gezek işledilmeli, şonda gämi Aýyň üstünden 64 müň km beýiklikdäki uzak retrograd orbita çykar we ol ýerde alty gün bolar.
Soňra 5-nji dekabrda Orion Aýyň daşyndan golaý aralykdan aýlanyp çykar.
NASA-nyň maglumatlaryna görä, Gäminiň Aýyň üstünden uçuş orbitasy öň amerikan pilotirlenýän Apollo 11,12, we 14-iň gondurylan etraplaryndan geçer.
11-nji dekabrda Orion Kaliforniýanyň kenarlaryna golaý ýere Ýuwaş ummanyna suwa gonar.
Onuň bortunda uçuşyň geljekki ekipaža etjek täsirini ölçejek datçikler oturdylan maneken bar.
