BMG-niň Howanyň üýtgemegi baradaky çarçuwaly konwensiýasynyň taraplarynyň 27-nji konferensiýasyna (COP-27) gatnaşyjylar ösüp barýan ýurtlaryň howanyň üýtgemegi bilen bagly çekýän zyýanlarynyň öwezini dolmak üçin olaryň gaznasyny döretmek barada şertleşdiler. Bu barada ýekşenbe güni Müsüriň Daşary işler ministrliginiň ýolbaşçysy Sameh Şukri COP-27-niň Şarm-eş-Şeýh şäherinde tamamlanan jemleýji mejlisinde çykyş edende aýtdy.
"Biz bu gaznany döretmegiň üstünde bar güýjümizi berip işledik we muňa buýsanýarys" - diýip, Şukri belledi. Onuň sözlerine görä, bu çözgüt adalatly, çünki häzirki "sammit, agzalan gazna tassyk bolary ýaly, Afrikada geçirilýär".
"Dünýäniň ýüzbe-ýüz bolýan kynçylyklaryna garamazdan, biz hemişekimiz ýaly howanyň üýtgemegi bilen bagly göreşde yhlas görkezmegimizi dowam edýäris we syýasy kararlaryň kabul edilmegi nukdaýnazaryndan hemmämiz bilelikde seslenip bileris." - diýip, Şukri nygtady. Ol COP-27-ä gatnaşyjy ýurtlar hemme zady öz içine alýan howa ylalaşygyny gazandylar we sammitiň jemleýji resminamasynyň kabul edilmegini biragyzdan makulladylar diýip tassyklady.
"Taslama - bu häkibir kagyz ýüzündäki sözler däl-de döwlet baştutanlarynyň geljek nesillerimiz üçin dünýä ýüzüne ýüzlenmesidir, Pariž ylalaşygynyň ýerine ýetirilmegine berlen degişli depgindir. Men sizi howanyň üýtgemegi bilen bagly göreşde ynamy ödemäge çagyrýaryn" - diýip, COP-27-niň prezidenti aýtdy.
