Özbegistanyň prezidenti Şawkat Mirziýoýew respublikada kibersporty ösdürmek we ýaýratmak barada karara gol çekdi. Resminama ýurduň hökümetiniň we parlamentiniň metbugat organy bolan “Halk sözi” gazetinde çap edildi diýip, bigasia.ru habar berýär.
Karara laýyklykda, kibersport respublikada resmi taýdan sportuň aýratyn görnüşi hökmünde ykrar edildi, resminama ussat kibertürgenleri we tälimçileri, ýokary hünärli emin agzalaryny we teswirçileri, şeýle-de kibersportuň görnüşleri boýunça beýleki hünärmenleri taýýarlaýyş we kämilleşdiriş ulgamyny döretmegi göz öňünde tutýar.
Respublikada respublikan we halkara çempionatlary hem-de ýaryşlary guramak, şeýle-de Özbegistanyň wekilleriniň kibersportuň görnüşleri boýunça halkara we sebit ýaryşlaryna “mynasyp gatnaşygyny ýola goýmak” meýilleşdirilýär.
2023-nji ýyldan Özbegistanda her ýyl respublikan çempionaty Uzbekistan Esports Championship-iň, “Ministrler Kabinetiniň kubogy” we “Ýaşlar kubogy” ýaryşlarynyň geçirilmegine garaşylýar.
