Ispaniýaly türgen Karlos Alkaras 19 ýaşynda Professional tennisçileriň assosiasiasynyň (ATP) reýtinginde ýyly birinji orunda saklanyp tamamlan taryhda iň ýaş oýunçy bolar (1973-nji ýyldan bäri) diýip, ATP-iň saýtynda habar berilýär.
Alkaras ýylyň başyndan bäri 32-nji setirden birinji ýere çykyp, 50 möwsümiň içinde iň uly böküş etdi. 5-nji dekabrda ATP-iň reýtingi soňky gezek täzelenjek pursadyna çenli ispan türgeniniň doglanyna 19 ýyl 214 gün bolar. Owal ýylyň jemi boýunça awstraliýaly türgen Lleýton Hýuitt dünýäniň iň ýaş birinji raketkasy bolupdy, 2001-nji ýylda möwsümi birinji ýerde tamamlanda onuň doglanyna 20 ýyl 275 gün dolupdy.
Alkaras üstümizdäki möwsümde 70 oýundan 57 oýunda ýeňiş gazandy. Şol sanda 14 duşuşykdan 9-synda garşydaşlary top-10-dakylardandy. Ispan türgeni şu ýyl jemi, US Open-i hem öz içine alýan, bäş turnirde ýeňiş gazandy we 7,6 mln-lyk baýrakly ýerleri eýeledi.
