Direktorlar geňeşiniň başlygy we baş ýerine ýetiriji direktor Maýkl Berk Vuitton-yň korporatiw ofislerini myhmanhana we söwda toplumlaryna öwürmek boýunça meýilnamalaryny äşgär etdi. Bu barada WWD habar berýär.
Lýuks klasly fransuz brendiniň direktorlar geňeşiniň başlygy we baş ýerine ýetiriji direktory interwýusynda Louis Vuitton-nyň korporatiw ofislerini Parižde, dünýäde ilkinji Louis Vuitton otelini we dünýäde iň iri dükany öz içine alýan, giň ýaýbaňlanan topluma öwürmek boýunça meýilnamalaryny äşgär etdi. Bu Parižiň taryhy merkezine tarap açylýan görnüşli merkezi ofisden ýüz öwrülýändigini çak etdirýär.
"Bu dünýäde iň bir tolgundyrýan özüne çekiji görnüş" - diýip, Maýkl Brek Eýfel diňinden Parižiň Bibimerýem ybadathanasyna çenli ýaýylyp gidýän gözel görnüş hakynda gürrüň berýär.
LVMH Moet Hennessy Louis Vuitton soňky 18 aýyň içinde täzelenen La Samaritaine uniwermagyny we Cheval Blanc otelini, şeýle hem özüniň Cova italýan süýji-köke dükanynyň ilkinji pariž bölümçesini açyp, golaý etraplaryny çensiz üýtgetdi.
Şeýle-de, ol direktorlar geňeşiniň başlygy we dünýäde zynatly zatlaryň iň iri konglomeratynyň baş direktory Bernar Arnonyň bu etraba köpräk ofisleri, dükanlary, ýaşaýyş jaýlaryny, restoranlary we medeni çäreleri çekmegi meýilleşdirmek bilen, işine ýaňybir girişýändigini gürrüň berdi.
