MTV Europe Music Awards baýragynyň netijeleri jemlendi. Bu barada aýdym-saz baýragynyň resmi Twitter akkauntyna salgylanyp, novosti.kg habar berýär.
Şeýlelikde, Teýlor Swift ýylyň iň gowy ýerine ýetirijisi boldy. Ol “All Too Well” klibi bilen “Iň gowy wideo” we “Iň gowy pop” kategoriýalarynda-da ýeňiş gazandy.
Ýylyň esasy aýdymy Niki Minažyň “Super Freaky Girl” aýdymy boldy. Bibi Reksa bilen Dewid Getta “I’m Good (Blue)” aýdymy üçin “Iň gowy hyzmatdaşlyk” nominasiýasynda lider boldular. Täze sazandalaryň arasynda SEVENTEEN topary ýeňiş gazandy.
Anitta latyn sazyny iň gowy ýerine ýetiriji diýlip yglan edildi. Niki Minaž esasy hip-hop artisti, Dewid Getta esasy elektron sazandasy boldy. “Iň gowy rok” kategoriýasynda birinji orny Muse, “Iň gowy alternatiw saz” kategoriýasynda birinji orny Gorillaz eýeledi. R&B žanrynyň wekillerinden baýraga Chlöe mynasyp boldy.
Şu ýyl MTV European Music Awards baýragynyň gowşurylyş dabarasy Dýusseldorfda geçirildi.
