2024-nji ýylda Parižde geçiriljek tomusky Olimpiýa oýunlarynyň guramaçylyk komiteti Olimpiadanyň we Paralimpiadanyň resmi tumarlaryny görkezdi. Halkara Olimpiýa Komitetiniň (HOK) saýtynda habar berlişi ýaly, ýaryşlaryň tumarlary Frigi adyny alan iki frigiýa şyrdagy boldy diýip, interfax.ru belleýär.
“Erkinlik telpegi” hökmünde-de belli bolan frigiýa şyrdagy halkara erkinligiň nyşany bolup, Fransiýanyň nyşanlarynyň birine öwrüldi.
Tumar şyrdaklar Fransiýanyň baýdagynyň reňklerinde – gök, ak, gyzyl reňklerde ýerine ýetirilipdir. Olarda, esasan, gyzyl reňk agdyklyk edýär. Paralimpiadanyň tapawutly alamaty aýagyň ýerine proteziň bolmagydyr.
2024-nji ýylyň Olimpiýa oýunlary 26-njy iýuldan 11-nji awgust aralygynda, Paralimpiýa oýunlary 28-nji awgustdan 8-nji sentýabr aralygynda geçiriler.
