Audi kompaniýasy şereket logotipiniň dört halkadan ybarat täze şekiline geçýär. Soňky nusga görä, ol indi ýasy, ikölçegli bolar, bu ony has hem döwrebaplaşdyrar.
Emblemanyň geometriýasy we onuň esasy elementleri üýtgewsiz galdy. Göwrümli duýgurlykdan el çekilmegi brendiň ulaglarynyň agraslygyny, hiliniň ýokarylygyny nygtamaly.
Audi ikölçegli logotipi baryp-ha 2016-njy ýylda ulanyp başlapdy. Emma häli-häzire çenli ol diňe sanly gurşawda ulanylýardy: displeýde öňki gabaraly logotip ýerliksiz görnerdi. Indi «ýasy» şekil ulaglaryň özüne-de geçip ugrady.
Gabara bilen bilelikde hrom hem ýitdi. Indi Audini inçejik gara gurşawdaky ak halkalar şekillendirýär. Müşderiler opsiýa hökmünde garaldylan emblemalary saýlap bilýärler. Şeýle ýagdaýda ak reňki goýy çal reňk bilen çalyşýarlar we jähek bilen kontrasty saklanar, ýogsa kän bildiribem durmaz.
