Dünýäde sport harytlaryny öndürmek boýunça ikinji orunda durýan Adidas AG 2022-nji ýylyň iýul – sentýabr aýlarynda girdejiniň ýokarlanandygyna garamazdan, arassa girdejisini tas üç esse azaltdy. Bu barada interfax.ru habar berýär.
Hasabat çärýeginde kompaniýanyň arassa girdejisi bir ýyl ozalky 984 mln ýewro garşy 352 mln ýewro boldy. Dowam edýän amallardan gelýän arassa girdeji bir ýyl ozalky 479 mln ýewrodan 66 mln ýewro çenli peseldi. Operasion girdeji 16% - 564 mln ýewro çenli azaldy.
Adidas-yň çärýek girdejisi 11,4% ýokarlanyp, 6,41 mlrd ýewro ýetdi. Kompaniýa ýylyň başyndan bäri dördünji gezek ýyllyk çaklamasyny peseltdi. Ýylyň jemi boýunça girdejiniň walýuta hümmetiniň üýtgemegini hasaba almazdan, 1-3% ýokarlanmagyna garaşylýar, öň 4-6% bolar diýlip çaklanypdy.
Şu ýyl dowam edýän amallardan gazanylýan arassa girdeji, takmynan, 250 mln ýewro bolar.
Soňky üç aýda kompaniýanyň bazar bahasy 29% - 20,9 mlrd ýewro çenli peseldi.
