Bitkoin söwdalaşyklaryň sessiýasynyň dowamynda 10-njy noýabrda 13,51% aşaklap, 15,844 müň dollara çenli düşdi. Bu barada Coindesk-de habar berilýär diýip, gazeta.ru ýazýar.
Şonda agzalan kriptowalýutanyň bahasy soňky gezek 2020-nji ýylyň noýabrynda 16 müň dollardan aşak düşüpdir. Bitkoin duşenbe güni söwda sessiýasynyň dowamynda ösüşini çaltlaşdyrdy we 25,06 müň dollar derejesinde söwdalaşyldy diýip, 15-nji awgustda habar berlipdi.
Kriptowalýutanyň iýuldaky oňyn ösüşi bazaryň gatnaşyjylaryna artyk umyt baglatmaly däl, çünki kotirowkalaryň 24% ýokarlanandygyna garamazdan, bitkoin öz maksimumyndan 66% pes söwdalaşylýar, ählumumy peselýän trend öz güýjüni saklaýar diýip, ondan öň Esperio kompaniýasynyň uly analitigi gürrüň berdi. Täze habaryň çykan pursady bitkoiniň bahasy 24 müň dollar töwerek boldy.
