Türkmenistandan Muhammet Kössekow Gyrgyzystanyň paýtagty Bişkek şäherinde geçirilýän Sambo boýunça dünýä çempionatynda altyn medala eýe boldy.
Dünýä birinjiliginiň ilkinji gününde türkmen türgeni 64 kg agram derejesinde garşydaşlarynyň ählisinden üstün çykdy. Ikinji orny azerbaýjanly, bürünç medaly ermenistanly we özbegistanly türgenler eýeledi.
Sambo boýunça dünýä çempionaty 11-13-nji noýabrda geçirilýär. Oňa dünýäniň 50-den gowrak döwletinden türgenler gatnaşýar.
Ýaryşlaryň onlaýn görkezilişine Halkara sambo federasiýasynyň saýtynda syn edip bolýar.
