Audi nemes kompaniýasy dört ýyl mundan öň goýberilen asyl nusgadaky e-tron-nyň mirasdüşeri bolan Audi Q8 e-tron bilen tanyşdyrdy. Täze ulag elektriki platformada gurlan we öňki modeli bilen deňeşdirilende çynlakaý gowulandyrmalara eýe boldy.
Täze Audi Q8 e-tron-y 2022-nji ýylyň noýabrynyň ortalaryna sargyt edip bolar, Germaniýanyň we beýleki ýewropa ýurtlarynyň bazarlarynda ol 2023-nji ýylyň fewral aýynda satylyp başlanar. Indiki ýylyň aprelinde ol ABŞ-dada çykar. Germaniýadaky bahasy 74 400 ýewrodan başlanar.
Audi-niň täze elektrokarynyň salonyndaky köp bölekler täzeden işlenen materiallardan ýerine ýetirilen, meselem, haly örtügi. Displeýiň aşagyndaky dekoratiw wstawkasy bolsa bölekleýin täzeden işlenen plastik çüýşelerden taýýarlanan. Elektromobiliň içinde diagonaly 10,1 we 8,6 dýum bolan iki sany uly displeý oturdylan, olar adaty öwrenişilen fiziki öçürip-ýakyjylaryň we düwmeleriň ornuny tutýar. Şeýle-de uly panorama üçegi hem bar.
