Robot enjamlaryna gyzyklanma türkmen ýaşlarynyň arasynda, aýratyn hem, mekdep okuwçylarynyň arasynda barha giň gerime eýe bolýar. Bu ugurda ukyp başarnyklaryny görkezip, taýýarlan robot enjamlaryny bäsleşikde synag etmek isleýänler üçin Hemişelik Bitaraplygymyzyň 27 ýyllygy mynasybetli Aşgabat şäherinde tehnologiýa şüweleňi geçirilýär.
2022-nji ýylyň 12-13-nji noýabrynda Aşgabat şäherindäki dil derslerini çuňlaşdyryp öwredýän ýöriteleşdirilen 87-nji orta mekdepde «Sanly ulgam bilen döredýäris, gurýarys ― Halkyň Arkadagly zamanasynda» diýen şygar astynda paýtagtymyzyň mekdeplerinde bilim alýan okuwçylaryň arasynda robot enjamlaryny taýýarlamak boýunça bäsleşigi guralýar.
Robot bäsleşigi:
- «Sumo robot ýaryşy»;
- «Labirint ýaryşy»;
- «Proýekt ýaryşy» ugurlar boýunça geçiriler.
Bäsleşik 12-nji noýabrda — 14:00-da; 13-nji noýabrda — 11:00-da geçiriler.
«Dana» bilim merkezi hem-de 87-nji orta mekdebi tarapyndan guralýan bu bäsleşige paýtagtymyzyň orta mekdepleriniň okuwçylary çagyrylýar.
Bäsleşige tomaşa etmäge islendik adam gelip biler.
Bäsleşik boýunça goşmaça maglumat almak üçin habarlaşyp bilersiňiz: +99362-36-91-63
