Hytaý tarapyndan koronawirus ýokanjyna garşy göreşe gönükdirilen çäklendiriş çäreleri Apple kompaniýasynyň iPhone smartfonlarynyň iki sany täze modeliniň önümçiligine ýaramaz täsirini ýetirdi. Bu barada kompaniýanyň metbugat relizinde aýdylýar.
"COVID-19 (bilen bagly) çäklendirmeler Hytaýyň Çžençžou şäherinde ýerleşen, iPhone 14 Pro we iPhone 14 Pro Max smartfonlaryny ýygnamak boýunça esasy kärhananyň işine wagtlaýyn täsirini ýetirdi. Häzirki wagtda kärhana juda pes kuwwatynda işleýär " - diýip, korporasiýada mälim etdiler.
Şeýle-de, Apple işçileriň saglygy we howpsuzlygy baradaky alada kompaniýanyň artykmaçlygy hasaplanýar diýip habar berdi. "Önümçiligi kadaly derejesine getirmek üçin biz üpjün edijimiz bilen ysnyşykly işleýäs " - diýip, kompaniýada sözüniň üstüne goşdular.
2-nji noýabrda ýokanjyň güýjemeginiň bellige alynmagy bilen bagly Hytaýyň hökümeti Taýwanyň Foxconn elektronikasyny öndürýän zawodynyň - iPhone telefonlaryny öndürmek boýunça iň iri kärhananyň ýerleşen ýeri bolan howa menziliniň ykdysady zolagynda epidemiýa garşy berk çäreleri girizdi.
ABŞ-da iPhone 14 Pro we iPhone 14 Pro Max degişlilikde 999$ we 1099$-dan satylýar.
