Puma SE-niň ozalky baş ýerine ýetiriji direktory Býorn Gulden 2023-nji ýylyň 1-nji ýanwaryndan başlap Adidas AG-a ýolbaşçylyk eder diýip, sport harytlaryny öndürmekde ululygy boýunça dünýäde ikinji ýerde durýan öndürijiniň habarynda aýdylýar.
Kompaniýa 2016-njy ýyldan bäri ýolbaşçylyk edýän, Adidas-yň häzirki СЕО-sy Kasper Rorsted 11-nji noýabrda anna güni wezipesinden boşar we ýylyň aýagyna çenli onuň wezipesini maliýe direktory Harm Olmeýer ýerine ýetirer.
Guldeniň wezipesi adidas-y çökgünlikden çykarmak. Amerikaly sazanda Kanýe Uestiň twitterde aýdan garşylykly pikirinden soň hyzmatdaşlyk boýunça ylalaşygyň ýatyrylmagy agzalan çökgünligiň soňky tapgyry bolupdy. Adidas Uest bilen kollaborasiýada döredilen Yeezy hatarynyň harytlaryny öndürmegi bes eder, bu bolsa 2022-nji ýylda kompaniýanyň arassa girdejisini takmynan 250 mln ýewro kemelder.
Gulden öň adidas-da 1992-1999-nji ýyllar aralygynda uly wise-prezidentiň wezipesinde işlän diýip bellenýär. Ondan hem başga, ol biraz wagt Daniýanyň Pandora zergärçilik kompaniýasyna baştutanlyk edipdir.
Adidas-yň paýnamalary sişenbe günki söwdalaşyklarda 1,5% gymmatlaýar. Üstümizdäki ýylyň başyndan bäri kompaniýanyň kapitalizasiýasy 54%, 20,8 mlrd ýewro çenli pese gaçdy.
