Ispaniýanyň futbol ýygyndysynyň baş tälimçisi Luis Enrike Madridiň «Atletikosyna» tälimçi bellenmegi mümkin diýip, El Confidencial ýazýar.
Çeşmäniň habar bermegine görä, Katardaky dünýä çempionatyndan soň hünärmen, megerem, ispan ýygyndysyndan gitse gerek.
«Atletikonyň» baş direktory Hil Marin Enrikeni baş tälimçiniň wezipesine bellemek meselesine seredýär. Baryp-ha 2011-nji ýylda, topara heniz Diego Simeone gelmezden öň hünärmen bilen gepleşikleriň geçirilip başlanandygy bellenýär.
«Atletiko» 13 oýunda 24 utuk jemlemek bilen, La Liganyň turnir tablisasynda üçünji orny eýeleýär.
Noýabr-dekabr aýlarynda Katarda geçjek DÇ-da ispaniýalylar E toparda Germaniýanyň, Ýaponiýanyň we Kosta-Rikanyň toparlary bilen oýnar.
