«Bawariýanyň» we Senegalyň hüjümçisi Sadio Mane Katarda geçiriljek futbol 2022-nji ýylyň dünýä çempionatyna gatnaşmaz. Bu barada L'Equipe fransuz neşiri habar berýär.
Çeşmäniň berýän maglumatlaryna görä, Bundesliganyň «Werdere» garşy duşuşygynyň (6:1) 15-nji minudynda Maneniň alan şikesi öň çaklanylyşyndan agyr çykdy, şonuň üçin Mane dünýä birinjiligi tamamlanýança aýaga galyp bilmez.
Deslapky anyklamanyň görkezmegine görä, Maneniň aýagyna ýeňil urgudan soň nerwi dartylypdyr, emma soňra senegally futbolçynyň suhožiliýasyna (siňir) zyýan ýetendigi belli boldy. Bu hili şikesden saplanmak üçin ortaça birnäçe hepde gerek.
Ýatlatsak, Katarda futbol boýunça dünýä çempionaty 20-nji noýabrdan 18-nji dekabr aralygynda geçer. Ýaryşyň açylyş duşuşygynda Katar Ekwador bilen duşuşar.
