Fransiýanyň Bretan sebitinde özboluşly deňiz tolkunlaryny gorap saklamaga kömek etjek goraghana döredildi. Bu indi bu ýerde deňiz gurşawyna zyýan ýetirip biljek islendik işiň gadagan edilendigini aňladýar diýip, euro-pulse.ru habar berýär.
Goraghanany döretmek pikirini öňe süren ýerli sýorferler boldy. Olaryň aýtmagyna görä, bu ýerde tolkunlaryň özboluşly fiziki gurluşy bolup, deňiz suwlarynda bent, port ýa-da ýel degirmenlerini gurmak kararyna gelinse, olar bozulyp biler. Mundan başga-da, goraghananyň statusy ýerli ekoulgamy we suwuň arassalygyny goramaga kömek eder.
Bretan güýçli ýeli we ägirt tolkunlary sebäpli dünýäniň dürli künjeklerinden sýorferleriň iň söýgüli ýeridir. Mundan başga-da, her ýyl sebite Atlantik ummanynyň güýjüne syn etmek üçin müňlerçe syýahatçy barýar. Häzire çenli bu ýerler zyýanly täsirlerden kanuny taýdan goragly däldi we aýratyn goralýan obýektlere degişli edilmändi.
